2014年4月9日 星期三

做左媽媽都要靚之facial篇之EHF


(眼肚出番黎,生完寶寶後,我一定要消滅佢!!!)

真係好耐無寫blog啦!唔知有無人掛住我呢?

不經不覺,即將踏入懷孕的第六個月啦!一 一B(肚內小寶貝的乳名) 開始無咁折磨我啦!已經少左作嘔的情況,精神亦比較好,所以決定再寫返blog,同大家分享我生活上的點點滴滴。當然唔少得就係同大家分享我點去keep住自己皮膚啦!

頭炮就分享下,到底懷孕期間可唔可以做facial呢?有咩treatment可以做,有咩係唔可以做呢?

係懷孕期間,以下嘅療程都唔可以做架!包括:激光、射頻、彩光、果酸Treatment、微電流、就連普通嘅導入機都唔可以架!而且我頭三個月都唔敢做任何療程,你哋知啦,BB好小氣架嘛!

就咁睇好似都冇咩療程可以做喎!其實都係架,懷孕期間都係主要做下清潔同補濕treatment, 祈求皮膚唔好變得太差,等小寶寶出生後先可以做返強勁treatment去變靚。

大家可以做普通嘅保濕treatment,但係就千祈記住唔好做肩頸按摩啦。 亦可以做一啲含有酵素嘅Treatment去清除角質。

本著做咗媽媽都要靚嘅精神,就係懷孕期第四個月開始,我就試吓研究一個又安全又可以做到效果嘅療程,於是乎就誕生左酵素hydra facial (EHF) 啦!

想知EHF有咩效果同做嘅過程,就clink入以下嘅link睇我真人示範啦!(好耐無拍video,好鬼生硬,大家唔好見怪啦!)

沒有留言:

張貼留言