2012年9月19日 星期三

30歲vs37歲

唔講大家都未必知,其實Anna係好懶做護膚架!平日係屋企係好少會敷mask,磨沙就更加係近五年未做過。

但, 其實我以前唔係咁架!我以前日日敷唔同的mask,深層清潔、補濕、美白、骨膠原和firmingmask輪住用。每個星期做磨沙。仲有每10日就做一次 facial。不過,反而當年的皮膚唔及得我今日。當年的皮膚,時好時壞;又易有敏感。

當然,可能你地會話,Anna你天生皮膚好之麻.....為了証明我都曾經有粗毛孔,面黃,黑頭粉剌和膚色不均勻,我唯有比大家睇下我7年前的皮膚狀態啦!7年前,亦未打過任何針架!講明先,唔準笑我架!
後來,慢慢了解到less is more的道理,便開始將護膚的step簡化,亦同時轉用醫學成份的skin care。亦唔再浪費時間去做傳統facial,轉做醫學treatment。但由10日一次facial改為15日一次醫學treatment。當中有補濕針,AmtsLaserchemical peeling隔住做。慢慢,皮膚就開始穩定落黎。直到今日,我已經係可以一個月先做一次treatment啦!

至於屋企的護膚,亦好簡單地變為:洗面--->精華---->eye cream----->cream。咁早上就一定要用防曬啦!好多時,我都好勞氣咁訓話係A-PlusTreatment的朋友們,與其亂咁試, 浪費金錢,點解唔用一些起碼有醫學研究的product

大部份女士都有個通病,鍾意不停試護膚品。尤其鍾意買開架品質。$100-$200之麻,試下無壞啦!呢句說話大家一定有諗過。又有幾多人知道,通常開架品牌的防腐劑含量係高,長期使用,對皮膚不單止無幫助,反而會令皮膚的抵抗能力慢少。

仲有,大家有無發覺我係無用爽膚水呢?慳返呢個step,又可以買支好些的serum啦!我一直都唔明點解要用爽膚水?平行PH值?咁又點知我的皮膚PH值唔平行呢?
差啲唔記得比大家睇下30歲vs37歲的我!唔知點解,改善咗鼻之後,隻眼會大咗,wakaka!Latisse都應記一功,令我好似長期畫咗眼線咁!(37歲果幅相都係素顏架!無makeup架!反而30歲果幅係帶咗大眼仔同查咗睫毛液。)
唔知到我40歲時,我嘅皮膚會唔會更好呢?haha!

沒有留言:

張貼留言