2012年5月28日 星期一

唔想生暗瘡?首先要學介口!

今次就想同大家分享下擁有皮膚問題朋友仔,有啲乜嘢係唔食得呢?
大家都知道其實皮膚同我地嘅身體狀況,生活習慣係息息相關。
例如鍾意食甜野和夜瞓嘅朋友,啲暗瘡通常都會生係額頭嘅位置。而腸胃消化及工作壓力大嘅朋友的暗 瘡就會生係下巴嘅位置啦!而有啲人又會對某啲食物特別敏感,我自己就親眼見到有一個朋友仔因為飲咗三盒奶而生到全面暗瘡啦!
而最常見嘅就係因為荷爾蒙失調而生嘅暗瘡,通常會生係面兩旁至到嘅位置。
所以要有好的皮膚,某程度上就有以下條件啦
1) 充足嘅休息時間。其實最好就係每日11點前瞓覺。不過我相信大部份香港人都係做唔到架啦!
2) 保持心境開朗。唔好比自己太大壓力。但係係香港呢個充滿壓力環境生活,又真係好難無壓力咁喎!
既然以上兩點係咁難做到嘅話,咁我地唯有堅守第三個條件,就係要戒口啦!
但介口真係唔容易!最衰都係我honey,無啦啦買咗我最鍾意食嘅三角朱古力比我食,仲一次過買咗兩條大嘅,我就傻咗咁一晩清咗!
代價就係第二日即刻生左好多粒暗瘡啦!

大家要緊記住有啲乜嘢係要少食,甚至唔食架啦!
牛、羊、鵝、鴨、田雞、鴿、蛇(如發癢戒雞皮)
所有菇類(包括靈芝)
所有海鮮(包括海草、海帶、昆布等)
辛辣煎炸食物、花生、腰果、糯米、花膠、酒精、咖啡、甜食(如朱古力)
橙、芒果、榴槤、木瓜、荔枝、菠蘿、龍眼、柿
黃豆、豆漿(豆腐除外) 、鮮奶、麵包、蛋糕
相信大家聽過呢個世界無醜嘅女人只有懶女人呢一句說話。我就覺得仲要加多一句就係介唔到口嘅女人。

電動微針係咪好痛架?

係咪真係好痛架? 呢一句說話系每一個做電動微針嘅朋友仔都會問我嘅。

我亦都會好坦白咁答佢地,係一定會痛架!當然唔同程度的皮膚問題所承受的痛楚都會唔同啦!

如果只是有粗大毛孔嘅話,通常用1mm嘅針就已經足夠啦!呢種情況下,通常都唔會太痛。我自己就兩至三個月都會做一次電動微針用 1mm去幫自己收毛孔同增加骨膠原

但係如果有好深凹凸洞嘅話好多時就要做到1.25-2mm嘅微針呀!真係非常之痛架!但女人的天性系愛靚唔愛命!所以為咗無咗啲凹凸洞,大家都忍到架!

因為好多人都未聽過電動微針,所以好多時佢哋都會問步驟係點?點樣做架?今次好好彩有朋友Eva,唔介意出鏡同大家分享佢做電動微針嘅過程。大家可以睇多啲、知多啲、了清楚啲!

係去片前,大家先睇下Eva想改善既問題先啦!


Eva 最唔滿意就係佢既粗毛孔同暗瘡印。以佢既情況,大約3次AMTS可以見到明顯改善。


做完AMTS出唔出到街? 一定出到!但要帶囗罩比較好。
EVA: 哈哈!都唔係好紅姐!不過都係比個口罩我啦!

真人分享sculptra成效!

由於剩女大作戰呢個節目嘅關係,
明顯多咗好多人打電話來查詢想了解多啲關於sculptra呢個treatment
之前都寫過一啲關於sculptra資料,
同埋亦都拍咗一段片比大家了解清楚sculptra全新開平嘅方法。
咁我相信其實大家最想就係睇下個效果係點嘅呢?
又好好彩咁有一個朋友仔願意同大家分享佢嘅效果。

其實佢之前已經試過透明質酸改善蘋果肌嘅位置,
同時提升埋虎紋。
雖然效果都唔錯,
但係始終係透明質酸,
會被皮膚自然咁吸收,
所以大約半年左右佢就要再做。

而且由於骨膠原開始流失嘅原故所以佢嘅皮膚亦有鬆弛嘅情況,
所以佢最後就決定用sculptra
生返屬於自己嘅骨膠原,
令凹嘅位置提升返,
亦令到佢嘅皮膚可以得到改善。

經過醫生嘅分析就決定幫佢用211
第一次係首先用兩瓶,
六個星期之後再用一瓶,
再過多六個星期就用埋最後嗰一瓶。

Sculptra療程前:

Sculptra療程section1兩瓶後的四個星期:

Sculptra療程section2一瓶後的四個星期:


而家仲未係最靚架! 
由於Scupltra發揮功效需時幾個月,
所以仲有更多發展空間架!


*此乃個人感受分享,療程效果皆因人而異。

1cc透明質酸高鼻療程的改變

好多人都會問到底用1cc 透明質酸夠唔夠提高個鼻呢?
其實呢個唔只係容量嘅問題,
而係大家對自己個鼻的要求到底有幾高。
本身個鼻形亦都會影響所需要的容量。

我就曾經試過見過一個完全冇鼻梁嘅朋友仔,

足足要做咗三次,
每次用1cc Juvederm Voluma,
先可以做到佢心目中的鼻梁。

亦都曾經有朋友仔話想一次過將2cc透明質酸提高個鼻,

咁咪可以做到好高好直嘅鼻。
但其實透明質酸療程同起樓嘅原理係一樣,
首先要起咗個地基,
咁先至可以慢慢加上去。

所以我每次都只會建議用1cc係同一個位置度,

寧願覺得唔夠,
就四個星期後先至再加。

朋友仔L就好明白呢一個道理啦!

當初見醫生嘅時候,
醫生已經話咗俾佢知1cc其實係唔夠嘅。
但就建議佢先用咗1cc做咗個地基先,
過咗兩至三個月先再來加多1cc上去,
咁個鼻仔就會好挺同靚好多架啦!



NOSE


*此乃個人感受分享,療程效果皆因人而異。

夏天殺到,防曬準備好未?

我成日都話我地既皮膚有兩大敵人,歲月和太陽伯伯。

歲月係永遠都超越唔到,今天永遠比昨天老了一天。所以只能不停地為皮膚補充每天流失了的骨膠原和透明質酸。(以後既post再作分享)

太陽伯伯便比較易對付了!只要肯每天早上勤力地做多一重功夫,查防曬便可以了!

我本身用過無數防曬,但總是未找到我的Mr.Right。不是太厚便是不夠貼。最大的問題是"拿"眼。每次查完防曬後兩個小時,由於紫外光會分解防曬,當防曬開始溶,便會攻眼了

幸好,Mr.Right終於出現!Floxia Sunblock!


主要成份:
Tinosorb M,Titanium Dioxide (二氧化鈦),Parsol MCX

醫學功效:
於皮膚表面始成緊密仙[抗UV過濾網],抵擋UVA/UVB紫外線
具抗氧化功效,由內而外保護皮膚底層,延緩皮膚衰老
保護皮膚細胞的DNA,避免因細胞的退化而引致各種衰老問題
有色,防水防汗,不含油份

好多醫生都建議打完激光後都用呢隻防曬架!

而係我6日既布吉旅程,全靠佢幫我對付太陽伯伯,咁我先可以keep到白白既皮膚。做緊要係佢無"拿"眼!

由於佢有少少色,亦好薄身,所以我將佢當做make up based都得!

Floxia 50SPF 於A-Plus有售!

Restylane高鼻仔!

由 細到大我最唔滿意就係自己個鼻。
好扁又無鼻樑。
但係一直以來都冇勇氣去做整形手術,
始終都覺得係一個手術,
如果做得唔好,
真係手尾長。

幸好,有透明質酸呢 個偉大發明嘅出現,
等我哋呢啲又貪靚,
但又唔敢做手術嘅人可以如願以償,
做下少量嘅改變。

其實今次已經係我第三次做透明質酸,
頭兩次,我都係用 Juvederm Voluma
第一次用了1cc
但由於我面形長而又鼻扁,
所以做完第一次係唔覺得有好大分別。
兩個月之後,
我就再用多0.5cc落去個鼻度,
好多人都讚好自然好靚。
而我個鼻就足足可以keep到半年。

一直以來,
都有好多人話用 Restylane Perlane 高鼻係最靚,
所以亦最多醫生用來高鼻。
既然Restylane嘅代理亦邀請楊超賢醫生去參加一個講座,
由一名臺灣的整形外科醫生示範透明質酸高鼻嘅新手法和同香港嘅醫生分享。
咁我就決定做model試下用perlane高鼻,睇下會唔會真係更加靚先!

Restylane 香港代理 Q-Med


Restylane 亦有出skin care,試完再同大家分享


本身Perlane已經有麻醉成份,但由於楊醫生仲交流緊,所以無聊的我就查麻醉打發時間

完成啦!大家睇下我個鼻尖係咪真係有尖同挺咗?
楊醫生今次都改善左個新嘅位置,
可以令到個鼻形更突出,
比以前更加立體!
(大家唔好focus落我既皮膚,
因為上星期做了Jessner Peel,
仲甩緊皮,好樣衰!)



睇下透明質酸高鼻前後嘅相對比下,
又真有係幾大分別喎!
好明顯輪廓更加深突出

今次都好成功將高鼻療程嘅過程拍成video,
但條片就要等多幾日先俾大家睇到啦!因為要做番剪接效果。
咗效果,我都要留意吓到底Restylane係咪真係會流失得快過Juvederm。
過多三個月就話俾你地知啦

*此乃個人感受分享,療程效果皆因人而異。

A-Plus上雜誌呀!

三月中嘅某一日,突然間有本雜誌嘅編輯打電話俾我,問我願唔願意接受訪問。主要係寫關於美容院嘅歷史同埋佢哋嘅背景。
錢就梗係唔制啦!免費宣傳我又唔介意喎!
問當日,佢問咗我一個問題,問A-Plus同市面嘅美容/醫學美容有咩分別。
我就即刻答,我諗A-Plus最大嘅分別就係消費模式。我哋係唔需要客人買任何療程,堅持逐次收費。好記得當時訪問我的人話佢訪問過無數美容院/醫學美容,今次係佢第一次聽到呢個答案。佢話大部份嘅美容院都係會用佢哋嘅療程有幾咁獨特,效果非常出色來作賣點嘅。我就話:當然,treatment嘅效果係好重要,但係如果皮膚狀態根本唔適合做,無論個treatment有幾好,都唔會做到佢應有既效果。
所以,我認為每一次都應該要以客人當日嘅皮膚狀態,去幫佢選擇一個最適合嘅treatment。既然每一次都可能做唔一樣嘅treatment,咁又有咩必要去買package呢?
IMG_4331

IMG_4334